بعد تصدر ازمة الشيخ محمود التهامي نقيب المنشدين، على نقابة المهن الموسيقية واتهامها بتجاهل المنشدين، واهتمام النقيب والنقابة بمطربي المهرجانات أكثر.
صرح الشيخ المنشد محمود التهامي “أن بداية الأزمة كانت عندما فوجئت من سنة ونص إن عندي قرار إيقاف من نقابة المهن الموسيقية روحت أشوف قرار الإيقاف دا ليه قالولي انت كان عندك حفلة في أسوان ومسددتش الرسم النسبي كان يوم ٢٧ ديسمبر ” .
وأضاف التهامي أيضًا ” أنا شهر ديسمبر كله مسافرتش أسوان أصلا وأنا راجل منشد ديني معروف لو أي حفلة لي علي مستوي الجمهوريه الناس كلها بتكون عارفة وبيبقي في تصريح أمني وفي استعدادات ومصر كلها والعالم كله بيبقي عارف والله”
وأضاف محمود التهامي أيضًا: ” فى اي حفله .. هاتوا مستنداتكم الي تثبت الكلام ده …وبعدها لقيتهم بيقولولي من الآخر كدا موضوع مقترح قانون نقابة المنشدين اللي أنت متقدم بيه لمجلس الشعب ، ومن هنا عرفت إن الموضوع تلكيكة لي علشان خاطر انا متقدم بمقترح قانون لنقابة إنشاد مستقلة بمجلس النواب للمنشدين فقولتله ودا ماله ومال الأزمة اللي إنتوا اختلقتوها طيب” .
وتابع تهامي قائلًا: “ابعتوا هاتوا الناس حققوا معاهم لأن انتوا خالفتوا اللائحة انتوا نزلتوا لي قرار إيقاف بدون إنذار اول وبدون انذار ثان وبدون تحقيقات وهذا مخالف للائحة فمعملوش أي حاجة ف اضطريت أني أروح اشتكي النقابة الفرعيه في أسوان في نيابة أسوان وصدمت ان النقابة العامة نقابة المهن الموسيقية باعتة جواب لنيابة أسوان اني كنت في الحفلة ورحت سددت الرسم النسبي بتاع الحفلة في النقابة العامة وتصالحت ودا تزوير طبعا لأن انا مرحتش ولا تصالحت ولا سددت رسم” .
وأضاف محمود التهامى أيضًا ” طب فين الإيصال اللي يثبت اني سددت رسم نسبي أو فين التصالح فترتب علي الموضوع دا طبعا أن أنا رفعت شكوى ضد النقيب وضد المحرض الأساسي اللي هو سكرتير عام النقابة ومنها وحتي هذا التوقيت مخدتش حقي.
والنقابة مش راضية تطلع أي بيانات وطلعت بيانات للأسف ضدي في الإعلام آني موقوف واني مخالف للقانون طيب مخالف للقانون ليه؟ هو اللي يروح يتقدم بمقترح قانون في مجلس النواب يبقي خالف القانون؟ … يعني انا روحت فين هو انا روحت دولة تانيه دا مجلس النواب خاص بالأمة يعني بالبلد كلها .
وأضاف :” وكمان مش انا اللي تقدمت بالمقترح القانوني اللي تقدم بيه عضو مجلس شعب بموافقة ستين من الاعضاء ففين المشكله؟ .. فالموضوع للأسف كان فيه تعنت وانا طبعا أناشد قضاء أسوان وأناشد القانون يجبولي حقي.
وأضاف تهامى أيضًا “فوجئت بتجاهل تام من النقيب وأعضاء المجلس قلت خلاص برضو تقريبًا هم مش عارفين قيمة الإنشاء والمنشدين فأحنا لازم نعرفهم فطلعت وتحدثت والحمد لله كما كان متوقع كل الداعمين للفن الهادف في مصر وكل الفنانين وكل المندشين وكل والصعايده كلهم من امبارح الدنيا مقلوبه وللاسف اتقلبت اكتر لما رفض النقيت هاني شاكر أنه يدخل معي في مكالمة تليفونية في نفس الوقت تاني يوم عمل مؤتمر لحسن شاكوش.
