يقدم الدكتور محمد الجنيدي الخبير فى الأمن السيبراني مجموعة من النصائح والتعليمات الخاصة بتأمين المعلومات التكنولوجية تحت مسمي ” خلي بالك” للتوعية المستخدمين والمحافظة على سرية البيانات.
يقول الجنيدي : انه ظهر برنامج ضار بيستهدف الخدمات المصرفية على نظام Android أسمه أوكتو (Octo)، ويتميز بإمكانيات بتسمح للمهاجمين بالقيام بعمليات احتيال وتحكم كامل على جهازك عن بعد. ومش بس كده بيقدر يتابع كل تفاعلاتك لحظة بلحظة. البرنامج بيقدر يقلل سطوع الشاشة للصفر وبيقفل الإشعارات من خلال تفعيل وضع “عدم الإزعاج” وبالتالي ممكن تتخدع إن تليفونك مقفول للحظات والوقت ده كافي جدًا أنه يستخرج بياناتك ويتلاعب بجهازك وأنت مش عارف.
أوكتو هو عبارة عن برنامج ضار متطور لنظام الأندرويد وبيخفي نفسه داخل بعض البرامج اللي بالمناسبة..متاح بعض منها على جوجل بلاي وتم اكتشافه بعد ملاحظة معدلات شراء كتيرة من المستخدمين ليه على منتديات الويب المظلمة أو “الدارك ويب”.
خليك دايمًا يقظ وحافظ على عدد التطبيقات المثبتة على جهازك عند الحد الأدنى وأي برنامج مش بتستخدمه لفترة طويلة أمسحه، واتحقق بانتظام من تمكين Play Protect.
