كشفت مريم الهواري، ابنة الفنانة غادة عادل، آخر تطورات الحالة الصحية لوالدتها بعد الوعكة الصحية الأخيرة التي تعرضت لها.
وقالت مريم الهواري، في اتصال هاتفي مع الإعلامي عمرو أديب ببرنامج “الحكاية” المذاع على فضائية “إم بي سي مصر” اليوم الأحد: “هي أحسن دلوقتي بتتحسن بقالها خمس أيام بتكلمنا ولسة خارجين من المستشفى”.
وأضافت “الحمد لله خرجنا بعد استقرار الحالة بس هنروح نعمل تحاليل بكرة ونتأكد أنها كويسة”. قبل أن تعقب غادة بقولها “أنا رجعتلي روحي من تاني. أنا من أول امبارح كنت في أوحش وقت ليا ومكنتش حاسة بالدنيا”.
وتابعت “كان عندي حرارة لا تنزل والأولاد كانت نفسيتهم صعبة علشان كده نزلوا الصورة على السوشيال ميديا علشان الناس تدعيلي وفعلا ربنا استجاب”.
واستطردت “أول مرة مزعلش على حاجة نزلت على السوشيال ميديا بس الحمد لله التحليل أكد أن العدوى قلت وكنت بأخذ مضاد حيوي في عروقي”.
وأردفت “من وأنا في التصوير وكان عندي حرقان وانسداد في المثانة وكنت فاكرة من المجهود ولما راح قولت إني خفت وبعدين أول ما وصلت لندن مبقتش عارف امشي واكتشفت أنها عدوى بكتيرية طلعت على الكلى ووصلت للدم”.
واستكملت حديثها “الحمد لله لم تصل للتسمم وأنا جيت لندن بعد إجازة من تصوير المسلسل 5 أيام وبكرة هعمل تحليل تاني علشان اعرف نسبة العدوى وصلت لقد ايه”.
